O prenzipet

Fa bels diyas estió a presentazión d´as collas ta ra segunda edizión d´o Festibal Buena Chen, asabelo de blogs ya lo dizioron pero cal segundiar-lo.

Bi ha calendata y grupos siñaus to festibal que ye clamau a ser una referenzia en as suyas edizions suzesibas. Pencho astí un enrastre ta más informazión encara que ta yo que no furrula-ie. Salut!

As collas (seguntes KomandoGüebo):

Buena Chen 2010

* Lurte,
* Trocobloco,
* Violadores del Verso - Sociedad Alkohólika
* Interlude,
* Tako
* Carlos Hollers 

Presona ye obligata d´ir ta os toros... más que os toros.

Ye asabelo difizil dezir as cosas más esclateras que El Roto.

Yo soi un fan declarau denda fa muitas anyadas y es que si bel diya no i tenez tiempo de leyer o diyario y querez saper qué ye l ´autualidat, ye fazil, direutamén bi ha que estudear a suya tira d´o diya.

O periodico "El Pais" dixa beyer o treballo diyario d´os suyos artistas graficos astí

Pues ixo. O mío presén ye iste bideo que beyié n´o Festibal de zine de l´Almunia.

Astí o bonus track:

¿Qué pensatz de ixo de IU?

Agora dizen que a lei de luengas no ye balién y no botan a fabor porque "ye un camelo". No digo que i aiga que botar a fabor a cualsiquier traza pero en iste asunto si que ye millor una lei "Marzelín-styled", que garra lei.

¿I abez bisto iste bideo? ye el Alonso iste d´o conzello de zgz escollonau d´una  ziutadana que leye un manifiesto n´aragonés:

Antimás, se subioron al carro d´a esfensa de l´aragonés de zagueras y no se si solo ye cosa mia pero a chen que conoxco de IU & cía. son los que más se descojonan del aragonés.

Ta ells, a lei de luengas ye buena cosa dende a bista eleutoralista:

1- No tien bella cosa ta trafegar.

2- Ye fesable que s´atraigan a bel zagal que ande despistau en o tema d´as luengas y se creiga que astí son os los salbadores d´a patria

Istos zaguers diyas os meyos d´incomunicazión s´han bulcau en l´affair Wyoming-Tertsch (se´n dize asinas?). Ta yo, que si no fese por “La Sexta” aberba un gasto de TB amán de zero, que os alazetz d´a polemica s´han esbarrau de raso. Yo beyié ixe pograma án se contrimostró o bideo y lo que me parixió aluzinante estió l´editorial orichinal d´o pograma d´o sinyor Tertsch. En ixe inte pensé que ixe ome yera en riesgo más que más por si i eba bel moro loco a o que l´hi daba por dar-le-ie un batán; os bideomontaches binioron dimpués y no me fazieron pensar muito más en l´asunto.

Creigo que s´ha focalizau a polemica en os chicoz bideos d´o programa d´a Sexta y a brabaridat grán ye en as parolas orichinals en Telemadrid, no he sentiu guaire persona charrar d´isto, de que ixe barfulaire de nombre forano se la chugó diziendo ixo en una TB, que estará o que sía pero tién una audienzia considerable. ¿Que l´han dau un golpe? Tot endica que yera tot zorro a ras seis d´o maitín en un pub de madrit, que pleitió con l´amo d´o bar y que tot ziego remató n´o piso denzima d´ una  siella.

Pero tot isto no ye intresante, a la clamata dreita mediatica l´intresa a polemica. No se pas por qué, pero a no muito isto s´enreligará con atra polemica y beyeremos cual yera a radiz d´ista pachanga que mos ocupa güe.

Feito refitolero d´o diya: A mai de Wyoming ye de Mon Reyal (ixo m´han dito).   

Suposo que toz busatros conoxez "Family Guy" aka "Padre de Familia", a serio ye prou buena pero en anglés ye superior, ¿sapez que cuasi todas as boz las fa Seth McFarlane, o creyador d´a serie?.  Bos dixo un trozo bien pincho d´a serie y bien, creigo que toz conoxez ixotro bideo de "2girls1cup". Si no lo conoxez lo siento, no boi a penchar un enrastre astí, mirar ta trobar-lo n´o rete...

Bi eba muito tiempo que no escribeba bella cosa astí pero es que iste mundo nuestro no me fa más que ansias. O zaguero tema d´autualidat estió lo d´os piratas somalís. As consecuenzias toz as i coneixemos pero as causas son bien difiziles d´estudear.

Iste bideo fa una ideya qu´aduya a enreligar más ixo d´o que charramos. Muita chen dirá que soi un hipocrita y que os piratas son unos bucos... pero creigo que cal beyer que no bi ha blanco y negro, que todo ye una escala de grisos y que a radiz d´o problema ye un problema n´a base d´o sistema.

jhdfvjhsbdfjgbvs... pos ixo que no sé que me pasa que nada me hace hervir la sangre, que no se si seré objeto de un trabajado plan de sometimiento mundial o qué, pero es que no hay temas que me de ganas comentar, ¿que dices? ¿la crisis? pues un dia dije que pasaba de repetir lo que ya habían dicho otros pero como no aparezca algo en breve no me quedará más remedio... es muy triste que lo que más entusiasmo me ha producido últimamente es la aparición de nuevos Mac, enta de agora he vivido bien sin uno, ¿tindré que merca-me ún? ¿ye isto una siñal?

Por cierto. Ved el video.

Conoxez iste DIZIONARIO ARAGONÉS N´O RETE??

Podez fer consultas dinamicas o mirar as buscas direutamén n´o direutorio de parolas.

Asinas no bi ha desincusas! Cualsiquier puede fer-se un blog n´aragonés n´o rete!

Quique ye un mozé que tien una descapazidat... y ye parti d´a campaña publizitaria de Diesel ta bender-nos cascos ta ra moto.

Ixo d´a publizidat biral estió un grán imbento pero creigo que me farán estar una mica nestesiau ta cuan a cosa siga de berdat,  si l´onze de setiembre fese maitín deseguras cambearía de canal ta beyer unatra cosa más reyalista. Más como Lost.