O prenzipet

Fa bels diyas pero cal fer publico iste informé que se´n dize "L´atro diya n´a manifa de l´Aragón trilingüe"...

... que quiers que te´n diga, no creigo que fuoromos mas de 1.000 presonas, yo m´imaxinaba una coseta una miaja mas grán... Atros blogs y pachinas dizen que "fue un diya istorico" y que bi-eban 1.500 presonas, os meyos no más que´n dizen que bi-eban bels "cientos de personas", y creigo que a polizia nián s´ha dinnau a dar lumeros. Reconoxco lo istorico d´o diya por ixo d´estar a primera manifestazión por l´aragonés pero no cal cayer en l´autocomplazenzia.

Yo me´n feito un omenache y con o mesmo sistema d´o Manifestómetro he feito as cuentas. Cuán yeramos n´o zaguero cruze n´o paseyo MªAgustín, o cruze con a carrera Romero, me cosqué de que chusto bi - ébamos chen dica o cruze con Ab. Madrit, si contamos en tres trangos, con 2 presonas por metro n´a capeza d´a manifa, 0,5 n´o zentro y puestar que atras 2 n´o cabo , con bels 75 metros de luén, a metá d´a carrera (de bente metros) d´os que asabelo si ocupabamos mas de güeito ... dan 600, 100 y 400, unas 1.100 presonas... as you can see here:

Bi eba chen (porque bi eba chen) y me sape malo dezir-lo pero no me parixe un esito asoluto, ¿puestar que o mobimiento ta ra esfensa de l´aragonés siga desconeutau d´a soziedat aragonesa? De cutio a chen contrimuestra simpatiza con o mobimién pero parixe que le da galbana manifestar- se, podez beyer foros muy autibos n´o retel pero no se si sapemos contrimostrar- lo a la resta d´a soziedat. Cual ye a soluzión? no sé nián tiengo ideya, si en 300 añadas no s´ha feito cosa no ba plegar un alicáncano d´a sarra a istas altarias d´a pelicula con a rezeta, no? me parixe que a yo, con mantener-me con iste aragonés de parbulo neo fablán me ye prou, no siga que meta baza y impiore a situazión d´a luenga ...

Salut y propizios diyas!